رباعيات صلاح چاهين
خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!
ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!
ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!
و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي !!!
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!
يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!
» نصائح عامة
» إرشادات ونصائح طبية عامة
» شخص يقتحم ميكروفون الحرم يدعي انه المهدي المنتظر
» ابوعمارالسلفي:ايها الغريب انت الجماعة ولو كنت وحدك.
» الشيخ محمد حسان في برنامج عن الناس السلفية والسياسة
» ابوعمارالسلفي:بدون تعليق وابكي علي ذنوبك
» ابوعمارالسلفي:اريد اختي الاسيره من بين انياب التنصير
» احتياطات تهمك اثناء جلوسك امام الكومبيوتر ....!!!